ដាស់តឿនដល់អ្នកដែលនិយម ប្រើម៉ាស់ប្រភេទនេះ ដើម្បីបកមុនសាច់ ប្រយ័ត្នជួបរឿងដូចនារីម្នាក់នេះ

យោងតាមការបង្ហោះ ជាវីដេអូននៅលើគណនីហ្វេសប៊ុកមួយ ដែលមានឈ្មោះថា Genella បានធ្វើអោយ​អ្នកនិយមលេង​ហ្វេសប៊ុក​ជាច្រើននាក់ មានភ្ញាក់ផ្អើល​ជាខ្លាំង បន្ទាប់ពី​បានទស្សនាវីដេអូ​បកមុន​របស់នាង ដែលបក​មក​ដោយ​ទាំង​ចិញ្ចើម​ស្ទើតែទាំង​ស្រុងតែម្តង ។ នៅក្នុងវីដេអូនេះ គេឃើញ Genella បានព្យាយាមបកម៉ាស់​ចេញ​ពី​លើ​ផ្ទៃមុខ​​របស់នាង​​ទាំងឈឺផ្សារ ដោយសារតែ​​រោមចិញ្ចើម​​របស់នាង​​មក​ជាមួយ​​នឹងម៉ាស់​ដែរ ។

Genella និយាយទាំងហួសចិត្តថា នេះជាលើកទី ១ ហើយនាង​ប្រើម៉ាស់នេះ ដើម្បីបកមុន ហើយមុនពេល​ដែលនាងប្រើ នាងមិនបាន​អាន​សេចក្តីណែនាំ ដែលមាន​នៅលើ​ប្រអប់ទេ ។ នាងបន្តថា​នៅក្នុង​សេចក្តីណែនាំ​នោះបាន​សរសេរថា ម៉ាស់នេះ​មិនមែន​ប្រើសម្រាប់​តែបក​មុនសាច់នោះទេ​ ប៉ុន្តែវាប្រើ​សម្រាប់​បករោម​មុខផងដែរ ។

សេចក្តីណែនាំ​នោះថែមទាំង​បាន​បញ្ជាក់ទៀតថា ចូរលាបអោយឆ្ងាយពីចិញ្ចើម ប៉ុន្តែនាងមិនបានអាន ទើបកើតរឿងនេះឡើង ។ បន្ទាប់ពីវីដេអូ​​របស់នាង​បាន​បង្ហោះ​​នៅលើ​​ហ្វេសប៊ុក​​ត្រឹមតែ​ប៉ុន្មាននាទី​សោះ ក៏មានអ្នកមើល ហើយនឹង​អ្នក​ចែករំលែក​រាប់ម៉ឺននាក់ ។ វីដេអូនោះ​ក៏បាន​ក្លាយ​ជារឿងដ៏​ហួសចិត្ត ហើយវា​ក៏ជា​​ការដាស់​តឿន​​មួយផងដែរ សម្រាប់អ្នក​​ដែល​​ប្រើម៉ាស់​​នេះលើក​ដំបូង សូមអាន​ការណែនាំ​មុននឹង​ប្រើប្រាស់ ប្រយ័ត្នអស់ចិញ្ចើម​ដូចនាង ៕

- ហាមដាច់ខាតការយក​អត្ថបទ ពីវេបសាយ www.bektleay.com ដោយគ្មានការអនុញាតិ

Social media & sharing icons powered by UltimatelySocial