គ្រូពេទ្យម្នាក់ផ្តាំផ្ញើដល់គ្រូពេទ្យដទៃ អោយយកចិត្តទុកដាក់ចំពោះអ្នកជំងឺ អោយដូចជាគ្រូសាររបស់ខ្លូន ក្រោយពេលគាត់ឆ្លងកាត់បទពិសោធន៍មួយនេះ

យោងទៅលើ​គណនីហ្វេសប៊ុក​របស់បុរសម្នាក់ ដែលមានឈ្មោះថា Tester HSn ដែលជាគ្រូពេទ្យ បានសរសេររៀបរាប់ អំពីអារម្មណ៍ពិត បន្ទាប់ពីគាត់ជួបរឿងដ៏ភិតភ័យមួយ នៅពេលដែលកូនដែលទើបនឹងកើតរបស់គាត់ក្តៅខ្លួន។ លោកគ្រូពេទ្យម្នាក់នោះ បានបន្ថែមទៀតថា គាត់ជាគ្រូពេទ្យផ្នែកសង្គ្រោះបន្ទាន់ និងសណ្តំម្នាក់។ គាត់ឃើញសព្វគ្រប់រាល់ជំងឺធ្ងន់ធ្ងរ ដែលពេលខ្លះក៏អាចជួយសង្គ្រោះបាន ហើយខ្លះទៀតមិនអាចជួយបាន ប៉ុន្តែគាត់នៅតែ​មាន​ស្មារតីនឹងនរ មិនចុះចាញ់ចំពោះឧបសគ្គទាំងនោះទេ។

បន្ទាប់ពី​គាត់បានឆ្លងកាត់​នូវបទពិសោធន៍ជីវិត​ដ៏ឈឺចាប់ ដែលបរាជ័យក្នុងការងារ ការភិតភ័យនៅពេលដែល​ចូលរួមក្នុង​ការវះកាត់លើ ឪពុករបស់គាត់ ក៏ដូចជាប្រពន្ធរបស់គាត់ និងនៅពេលដែលកូនទើបនឹងរបស់គាត់ក្តៅខ្លួន ទើបគាត់យល់ច្បាស់ពីអារម្មណ៍ពិត នៃការឈឺចាប់ទាំងនោះ។

គាត់ក៏ចង់​ផ្តាំផ្ញើដល់​គ្រូពេទ្យដទៃ អោយមើលថែអ្នកជំងឺរបស់ខ្លួន អោយដូចជា​សាច់ញាតិរបស់ខ្លួនដូច្នេះដែរ។ គាត់បន្ថែមទៀតថា ពាក្យថាមិនអី ចូរនិយាយទៅកាន់​សាច់ញាត្តិអ្នកជំងឺដោយប្រុងប្រយ័ត្នបំផុត។

ខាងក្រោមនេះ​ជាអត្ថបទទាំងស្រុងរបស់គាត់៖
«ពេលនេះ ទើបយល់ពី អារម្មណ៍ពិត ក្នុងភាពជាឪពុកម្តាយ ពេលដែលកូនក្ដៅខ្លួនខ្លាំង! ខ្ញុំគឺជាគ្រូពេទ្យប្រពោធនកម្ម សង្គ្រោះបន្ទាន់ និង សណ្ដំ ម្នាក់ ដែលបានឃើញ សព្វគ្រប់រាល់ជំងឺធ្ងន់ ដែលពេលខ្លះ​ជួយសង្គ្រោះ​បាន ពេលខ្លះមិនបាន ដែលស្ថិតក្នុងស្មារតីហ្នឹងនរ មិនដែលចុះញ៉នឹង
ឧបសគ្គទាំងពួង។ ប៉ុន្តែពេលនេះ បានយល់កាន់តែ ច្បាស់នូវអារម្មណ៍​សាច់ញាត្តិអ្នកជំងឺ
ពេលដែល បងប្អូននឹង សាច់ញាតិឈឺធ្ងន់ម្ដងៗ !

ឆ្នាំនេះ​ខ្ញុំបានទទួល បទពិសោធន៍ច្រើនណាស់ ក្នុងជិវិតនោះ ដែលរួមមាន ការឈឺចាប់ផ្លូវអារម្មណ៍ដែល បរាជ័យក្នុងការងារ ការភ័យភិត​នៅពេល​ចូលរួម ក្នុងការធ្វើ ការវះកាត់លើឳពុកខ្លួន វះកាត់ប្រពន្ធខ្លួន និងពេល ដែលកូនទើបតែនឹងកើតក្ដៅខ្លួន។

នេះជា​សារដល់គ្រប់រូប ចូរមើល ថែរអ្នកជំងឺ ដែលជាសាច់ញាតិអ្នកដ៏ទៃ អោយដូចសាច់ញាតិខ្លួនឯង។ ពាក្យថាមិនអី ចូរអ្នកនិយាយទៅកាន់ សាច់ញាតិអ្នកជំងឺ ដោយប្រុងប្រយ័ត្ន ហើយក្នុងរោគវិច្ឆ័យច្បាស់លាស់ ហើយអោយការទស្សទាយ អោយបាន​ច្បាស់លាស់នឹងហ្មត់ចត់ !»

សង្ឃឹមថាគ្រូពេទ្យដទៃទៀតមានអារម្មណ៍ និងយល់ពីចិត្តរបស់សាច់ញាត្តិរបស់អ្នកជំងឺ ដូចជាលោកគ្រូពេទ្យម្នាក់នេះផងទៅចុះ។ ជាចុងក្រោយក៏ សូមជូនពរអោយកូនស្រី និងភរិយារបស់លោកគ្រូពេទ្យ មានសុខភាពល្អ និងរឹងមាំ៕

ប្រភព៖ Tester HSn

- ហាមដាច់ខាតការយក​អត្ថបទ ពីវេបសាយ www.bektleay.com ដោយគ្មានការអនុញាតិ

Social media & sharing icons powered by UltimatelySocial