ដាស់តឿនដល់ឪពុកម្តាយ ដែលមានទំលាប់ចងអង្រឹងអោយកូនគេង កុំប្រហែសអោយសោះ ប្រយ័ត្នស្តាយក្រោយ ដូចស្ត្រីម្នាក់នេះ

ក្មេងស្រីអាយុ ១ ខួបម្នាក់ ​បានធ្លាក់ពីលើអង្រឹង ស្លាប់បាត់បង់ជីវិតភ្មាមៗ គួរអោយសង្វែគខ្លាំងណាស់។ យោងតាម ការរៀបរាប់របស់អ្នកស្រី Rosalinda Abreu ដែលត្រូវម្តាយក្មេងស្រីរងគ្រោះ បានអោយដឹងថា នៅថ្ងៃកើតហេតុ អ្នកស្រីបាន ចងអង្រឹងអោយ កូនស្រីរបស់អ្នកស្រី ដែលមានអាយុ ១ ខួប ដាក់អោយគេងជាមួយនឹង កូនរបស់អ្នកស្រីម្នាក់ទៀត ដែលមានអាយុ ២ ខួប កាលពីព្រហស្បត្តិ៍សប្តាហ៍មុន។

បន្ទាប់ពី​អោយ​​កូនគេងលក់​នៅលើ​អង្រឹងហើយ អ្នកស្រីក៏បាន​ដើរចេញទៅបាត់។ លុះពេលដែលអ្នកស្រី​ត្រលប់មកវិញ អ្នកស្រីក៏ប្រទះឃើញ កូនរបស់អ្នកស្រី ធ្លាក់ចេញ​តាមប្រលោះ​សំណាញ់អង្រឹងបាត់ទៅហើយ។

អ្នកស្រី ក៏ប្រញាប់នាំកូនទៅកាន់ មន្ទីរពេទ្យ​ដែលនៅជិតផ្ទះបំផុត។ ប៉ុន្តែជាអកុសល គ្រូពេទ្យបានប្រាប់អ្នកស្រីថា កូនស្រីរបស់អ្នកបាន​ស្លាប់បាត់បង់ជីវិត​បាត់ទៅហើយ ដោយសារតែ ក្បាលរបស់នាង​បានបោក​ទៅនឹងដីធ្ងន់ធ្ងរ។

នេះជាករណីមួយ ដែលឪពុកម្តាយគ្រប់រូប គួរតែប្រុងប្រយ័ត្ន អោយបានខ្ពស់ នៅពេលដែលអ្នកចងអង្រឹងអោយកូនគេង។ គ្រោះថ្នាក់​ដោយសារអង្រឹងនេះ ក៏ធ្លាប់កើតមានឡើងញឹកញាប់ហើយដែរ ដូចជា​ករណី​ដាច់ខ្សែអង្រឹង កូនដាំក្បាលចុះ ខណៈពេលដែលពួកគេ​ឈរតោងអង្រឹង ជាដើម។ ដូច្នេះត្រូវតែប្រយ័ត្នអោយខ្ពស់ ចៀសវាងការស្តាយក្រោយ៕

- ហាមដាច់ខាតការយក​អត្ថបទ ពីវេបសាយ www.bektleay.com ដោយគ្មានការអនុញាតិ

Social media & sharing icons powered by UltimatelySocial