Apple ចង់​រក​អ្នក​ផ្គត់​ផ្គង់​អេក្រង់​ OLED ជំនួស​ Samsung

ក្រុម​ហ៊ុន Samsung គឺ​ជា​ក្រុម​ហ៊ុន​តែ​មួយគត់​ដែល​ផលិត​អេក្រង់ OLED ដែល​បំពេញតាម​តម្រូវការ​របស់ក្រុម​ហ៊ុន Apple សម្រាប់​ស្មាត​ហ្វូន iPhone និង​ស្មាត​ហ្វូន​ស៊េរី​ក្រោយ​របស់ខ្លួន។

 

ហើយ​ក្រុម​ហ៊ុន​បច្ចេ​កវិទ្យា​កូរ៉េ​ខាង​ត្បូង​ក៏ជា​ក្រុម​ហ៊ុនតែមួយ​គត់ដែល​អាច​បំពេញតម្រូវ​ការ​ផ្គត់​ផ្គង់​របស់​ក្រុម​ហ៊ុន​អេបផល។ មាន​ពាក្យច​ចាម​អារ៉ាមថា ក្រុមហ៊ុន Apple កំពុងស្វែង​រក​អ្នក​បង្កើត​អេក្រង់ OLED ផ្សេង​ទៀត​សម្រាប់​ស្មាត​ហ្វូន​ជំនាន់​ក្រោយ ដើម្បី​កាត់​បន្ថយការ​ពឹងផ្អែក​របស់ខ្លួន​លើក្រុមហ៊ុន Samsung ។

ប៉ុន្តែ​បើ​យោង​តាម​របាយការណ៍​ថ្មី​មួយ​ថា វា​មិន​ទំនង​នឹងកើត​ឡើង​នាពេល​អនាគត​ទេ។ វិនិយោ​គិនបាន​រាយការណ៍ថា នៅឆ្នាំ​ក្រោយ​ក្រុមហ៊ុន Samsung នឹង​ផ្គត់ផ្គង់​ឱ្យ Apple នូវ​បន្ទះដែល​អាចបត់​បែន​បាន​ចន្លោះពី 180 ទៅ 200 លានគ្រឿង​សម្រាប់ iPhone ។

ហេតុ​ផលមួយ​ដែលក្រុម​ហ៊ុន Samsung អាច​បង្កើន​ការផលិត​អេក្រង់ OLED គឺថា​ក្រុម​ហ៊ុន​បានធ្វើអោយ​ប្រសើរ​ឡើងនូវ​អត្រាទិន្នផល​គួរឱ្យកត់​សម្គាល់​នៅរោងចក្រ​ផលិត A3 របស់ខ្លួន។ នៅ​ពាក់​កណ្តាលឆ្នាំ 2017 ទិន្ន​ផល​បាន​កើន​ឡើង​ពី 60 ភាគរយ​កាល​ពីដើមឆ្នាំនេះ​ដល់ 80 ភាគ​រយ​៕

- ហាមដាច់ខាតការយក​អត្ថបទ ពីវេបសាយ www.bektleay.com ដោយគ្មានការអនុញាតិ

Social media & sharing icons powered by UltimatelySocial